Antzinako Azokaren XXV. edizioa ospatu zuten iragan larunbatean Artziniegan. 40 urteurrenean murgilduta dagoen Artea Etnografia Elkarteak 1998. urtean antolatu zuen lehen aldiz ekimena, eta mende laurdenez Erdi Arora eraman ditu Artziniegako alde zaharreko kaleak. Eguzkia lagun jendetza batu zen irailaren 14an Artziniegan, eta festa giroa goizetik iluntzera luzatu zen.
Arrakastaren sekretua herritarren inplikazioan dagoela azaldu dute Antzinako Azokaren antolatzaileek: "Gure zortea da herritik jaiotako ekimena izanik, herritarrek asko parte hartzen dutela bertan". Bide horretan, 2022. urtean eta pandemiak eragindako etenaldia baliatuta, Udalak azokaren gaineko gogoeta abiatu zuen, herritarrek etorkizuneko azoka diseinatu zezaten. Gogoeta horretatik azokaren antolakuntza aurrera eramango zuen lantalde berria sortu zen. "Herritik eta herriarentzako antolatzen dugu azoka; auzokideek disfrutatzeko eta bisitariek gurekin batera gozatzeko".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
