Igandean inauguratu zuten Artziniegako horma-irudi berria, Cherra Ortegaren eskutik. Artista madrildarrak irabazi ditu udalerriko mural lehiaketaren lehen bi edizioak. Erlojuaren Dorreko horman margotu zuen lehen ediziora aurkeztu zuen irudia. Bigarrena, aldiz, Pablo Respaldizaren familiaren sutegiaren alboko paretan margotu. Izan ere, La Fragua da lanaren izena eta, titulu horrek iradokitzen duen bezala, aspaldiko sutegietako lana islatzen du.
Udala oso pozik azaldu da emaitzarekin. Tokiko erakundearen aburuz, “horma-irudi ikusgarria” osatu du Ortegak, balio duena herriko errementariei omenaldia egiteko. Gauzak hala, udal ordezkariek eskerrak eman dizkiote artistari, epaimahaiari eta baita Pablo Respaldizari ere, bere familiaren sutegia mantendu eta erakusteagatik. “Artziniega kultura da, baina denon artean egiten den kultura”, aldarrikatu dute.
Argazkiak: Artziniegako Udala
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
