Euskararen Eguneko egitaraua berrikuntzekin dator aurten Artziniegan eta sortze bidean dagoen talde bati esker izango da hori. Azaroaren 29rako antolatu dute egitaraua, hurrengo egunean, hilak 30, Okondon ospatuko baita eskualdeko jai bateratua.
“Planteamendu berriak eta berritzaileak” ekarri nahi dituen taldea dela adierazi dio Arkaitz San Josek Aiaraldea Komunikabideari: “Haiek planteatzen digute (eta, egia da, kritika hori onartu behar dugu) agian azken urteetako Udalaren planteamendua errepikakorra izan dela, ez garela izan anbiziotsuegiak. Haiek guri lagundu nahi digute, eta azken finean, euskarari”.
Abenduaren 3an bertan taldea aurkezteko asmoa dagoela jakinarazi du zinegotziak, eta aitortu “ilusioz” hartzen duen berria dela eta pozik azaldu da jende gaztea euskararen alde hainbat ekimen planteatzeko gogoz agertzearekin.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
