Konpontze bidean dago Artziniegan mediku zerbitzuarekin urte hasieratik luzatutako gorabehera. Hala azaldu du Arkaitz San Jose zinegotziak Aiaraldea Komunikabidearen Azalera podcastean.
Jakinarazi duenez, ordezko bat ari da orain herritarrak artatzen, eta ekainaren 15ean iritsiko da titular berria. Bigarren medikua, aldiz, Barneko Mediku Egoiliarretatik (BAME) aterako da, baina oraindik ez dakite zehazki noiz iritsiko den. Modu horretan, bi langileek erdibana emango diete zerbitzua Artziniegako biztanleei.
Otsailean geratu zen Artziniega medikurik gabe, zenbait erabiltzaileren jarrera "oldarkorren" ondorioz. Horren harira, San Josek nabarmendu du egoera “lasaitu” egin dela ordutik hona, eta poza adierazi du hemendik aurrera mediku finko batzuk egongo direlako.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
