Artziniegako eguneko arretarako landa zentroaren proiektuaren erredakzioan atzerapenak daudela salatu zuen EAJk, eta horri erantzun dio Arkaitz San Josek. Zinegotziak azaldu du proiektua erredaktatzen ari direla uneotan, eta esleipena dagoenean aterako dutela.
Horri lotuta, pozik azaldu da udal ordezkaria, jakin izan dutelako Espainiako Gobernuak diruz lagunduko duela proiektua, Aldundiarekin batera. Hala ere, oraindik ez dakite finantzazioa zenbatekoa izango den zehazki.
EAJren beste kritikei erantzuna
EAJk eginiko beste kritika batzuei erantzuteko ere baliatu zuen San Josek Aiaraldea Komunikabidearen Azalera podcasta. Izan ere, kontratu batzuk luzatzea leporatu zioten jeltzaleek udal gobernuari.
Horren harira, udal gobernuko ordezkariak azaldu zuen teknikari eta idazkari berriak sartu direla duela gutxi Udalean lanean, eta “gauzak ordenatzen eta egunean jartzen” ari direla.
Ondorioz, kontratuen luzapena teknikariek eurek gomendatutako konponbidea izan dela ziurtatu du San Josek, alternatiba zerbitzuak emateri uztea izango litzatekeelako. “Ez da etengabeko kontratu txikien kateatzea, legalki posible den heinean horrela konpondu dugu”.