Artziniegako jaietan indarkeria matxistaren aurrean herri-erantzuna emateko protokoloa egongo da martxan

Erredakzioa 2026ko irailaren 3a

Jaietan jazotako bi eraso lesbofobo salatzeko 2019an eginiko agerraldia. / Aiaraldea.eus

Artziniegako Udalak, Talde Feministak eta Jai Batzordeak era koordinatuan prestatu dute irizpide-sorta. Indarkeria matxistari buruzko informazio, prebentzio eta arreta gunea ere egongo da bi ostiral eta larunbatetan.

Artziniegako jaietan indarkeria matxistaren aurrean herri-erantzuna emateko protokoloa prestatu dute Udalak, Talde Feministak eta Jai Batzordeak elkarlanean. Hala jakinarazi du tokiko erakundeak, eta zehaztu du jaietan gerta daitezkeen eraso matxistak prebenitzea eta horiei erantzun koordinatua ematea dela helburua.

Brigada Feminista ere osatu dute herriko emakumeek, eta gauero zapi morea daraman kide batek ordezkatuko du. Eraso matxistarik jasan edo ikusiz gero, kide horrengana jo ahal izango da, eta Brigada arduratuko da protokoloa abiarazteaz.

Berehala jarduteko neurriak ezartzen ditu protokoloak, izan biktimei arreta eta laguntza emateko zein erasotzaileei aurre egiteko. Era berean, biharamunean hartu beharreko neurriak ere zehazten ditu.

Horrez gain, jaiek iraun bitarteko ostiral eta larunbatetan indarkeria matxistari buruzko informazio, prebentzio eta arreta gunea egongo da. Udalak azaldu duenez, BBKren bulego zaharrean egongo da atonduta gunea 0:00tatik 6:00tara. Bertara era jo daiteke eraso matxistarik gertatuz gero, zein informazioa jasotzeko.

"Eraso matxistarik gabeko jaiak guztion erantzukizuna direla" gogorarazi dute hiru eragileek, eta "edozein indarkeria matxista mota prebenitzeko eta arbuiatzeko" beharra azpimarratu dute.

Jendartea Artziniega

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide