aiaraldea.eus

Energiaren sorkuntzara jauzi egin du Goienerrek, ekarpenetarako leihoa irekita dago

Erabiltzailearen aurpegia Aiaraldea Ekintzen Faktoria   Ekonomia

2017 urteaz geroztik da Aiaraldea Ekintzen Faktoria Goiener Energia berriztagarrien sorkuntza eta kontsumo kooperatibako bazkidea. Energia subiranotasunaren bidean, energia merkaturatzetik, energiaren sorkuntza proiektuak sustatzera pasa da sortu duen NafarKoop kooperatibaren bitartez.

 

 

Energiaren sorkuntzarako hainbat proiektu abiatu ditu Goiener taldeak; zentral hidroelektriko baten erosketa, instalazio fotoboltaikoak... Proiektu horiek garatzeko, jarraian zehazten ditugu ekarpen ekonomikoak egiteko leihoak ireki dituzte.

Zer da SorkWhtza eta nola funtzionatzen du?

SorkWhtza izena da, GoiEner Taldearen sorkuntza proiektu ezberdinak batzen dituen ekimenaren izena.

Bere helburua da bultzatzea jatorri berriztagarriko energien instalakuntza, erosketa eta sustapena. Instalakuntza ahalik eta banatu eta deszentralizatuenak aukeratuz.

SorkWhtzaren jatorria GoiEner Taldearen energia berriztagarriko proiektuak garatzeko konpromezuan dago. 2015 urtean egindako barne hausnarketa bat egin zen eta GOIENER, S.COOP. kooperatibak berak zuzenean sorkuntza proiektuak garatzeko aukera aintzat hartu bazen ere, eskenatoki ezberdinak aztertu ondoren aukera hori baztertu egin zen.

Horregatik sortu zen Nafarkoop, berriztagarrien proiektuetan inbertsioak egiteko sortutako lanabes juridikioa.

Lanabesa Nafarroan sortzeak helburu bikoitz bat izan duela uste dugu: berriztagarrietan inbertsio kolektiboak bultzatzea eta GoiEner Taldeak lurraldean egin duen lana azaleraztea.

Nola funtzionatzen du?

1. Egin zaitez GoiEnereko bazkide (oraindik ez bazara).
2. Egin zaitez Nafarkoopeko bazkide.
3. Orain ekarpena egin dezakezu ekarpen lehio batean. (Zer da ekarpen-leiho bat?)
4. Nafarkoop-SorkWhtzak egindako ekarpenak erabiliko ditu ekarpen leiho horietan hautatuako proiektuak aurrera ateratzeko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa