Irailera arte luzatuko da Faktoria Arrastiak ekimena. Arratsaldeko zortzietan izango dira kontzertu guztiak, arratsaldeko zortzietan.
Uztailaren 24an, hurrengo ostiralean Abereh bakarlaria ariko da Laino eta beste belatz artean diskoa aurkezten. Abuztuaren 1ean, berriz, Jon Gurrutxaga & Urbil Artola gerturatuko dira Kateak lana taularatzera. Abuztuaren 8an, aldiz, Asla taldeak girotuko du iluntzea, eta 14an Osterabe taldeko Ane eta Ainize oholtzaratuko dira.
Willis Drummond taldeko Ekiza ere bertaratuko da abuztuaren 22an, larunbatean. Abuztuko azken asteburuan, ordea, emanaldi bikoitza egongo da. Batetik, ostiralean -28an- Esne Potakek joko du, eta larunbatean -29an- Peru Galbetek.
Azkenik, irailaren 5ean Birkit abeslari amurrioarra izango da Abasto plazan, Emen diskoa aurkezten.
Kontzertu guztiak arratsaldeko zortzietan izango dira, Laudioko Abasto plazan. Afaltzeko aukera eskainiko du Aiaraldea Ekintzen Faktoriako Ekonomatuak kontzertuek iraun bitartean, eta taberna zerbitzua ere egongo da. Borondatea eskatuko da sarrera gisa, "krisi egoera honetan kultur-sortzaileak babestu eta sustatzeko".
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
