LAN ESKAINTZA

Aiaraldea Ekintzen Faktoria erakunde komunikazio kazetari baten bila dago

Erabiltzailearen aurpegia

Aiaraldea Ekintzen Faktoria erakunde-komunikazio kazetari baten bila dago ordezkapen lanpostu bat betetzeko.

Lan-deialdi honetan interesa duten pertsonek azaroaren 30a (asteazkena) baino lehen bidali beharko dituzte aurkezpen gutuna eta curriculuma lanpoltsa@aiaraldea.eus helbidera (erdaretan idatzitako curriculum edo aurkezpen gutunak alboratuko dira). 

Lan-deialdia ebazteko kronologia
  • Azaroak 21: Lan-deialdiaren zabalpena.
  • Azaroak 30: Aurkezpen gutuna eta CVa bidaltzeko azken eguna.
  • Abenduak 1-2: Jasotako hautagaitzen azterketa.
  • Abenduak 5-9: Hautatutako pertsonen elkarrizketak eta hautafrogak.
  • Abenduak 12: Ebazpena.
  • Abenduak 19: Lan inkorporazioa.
FUNTZIOAK ETA EGIN BEHARREKOAK

Erakunde-komunikazio kazetariak honako funtzio hauek bete beharko ditu:

  • Aldizkari zein web edukien erredakzioa.
  • Maketazio lanak eta argazki eta bideoen tratamendua.
  • Community management lanak eta herritarrenganako arreta zerbitzua.
  • Kazetarien kontsulten kudeaketa eta hedabideekin harremanen kudeaketa.
  • Prentsa oharren prestaketa eta zabalpena.
  • Prentsaurreko eta aurkezpenen antolaketa.
  • Komunikazio estrategien planifikazioa eta komunikazio planen garapena.
  • Bestelako kudeaketa lanak:
    • Lizitazioen azterketa eta proiektuen sorkuntza.
    • Aurrekontuen prestaketa eta fakturazioaren jarraipena.
    • Plangintzaren prestaketa eta jarraipena.
ESKATZEN DA
  • Kazetaritza lizentziaduna edo graduatua izatea.
  • Hizkuntzak: euskararen (C1 maila) eta gazteleraren ezagutza handia izatea.
  • Kazetaritza eta erakunde-komunikazio lanetan esperientzia izatea.
  • Diseinu editorialean ezagutza izatea (maketazioa eta argazkien tratamenduan).
  • Komunikazio gaitasunak eta planifikaziorako trebetasuna.
  • Jarrera aktiboa eta ekintzailea.
BALORATUKO DA
  • Aiaraldea Ekintzen Faktoriaren proiektuaren ezagutza eta proiektuarekiko atxikimendua.
  • Sare sozialen erabileraren gaineko formakuntza edo ezagutza.
  • Erakunde edo enpresen komunikazioan formakuntza berezitua.  
  • Euskarako C2 hizkuntz maila izatea.
  • Askitasuna eta iniziatiba gaitasuna.
  • Aiaraldea eskualdea, eragileak eta entitateak ezagutzea.
  • Aiaraldean jaio, lan edo bizitzea.
  • Autoa eta B gida-baimena.
ESKAINTZEN DA
  • 40 orduko lanaldia, astelehenetik ostiralera.
  • 7 hilabeteko ordezkapen kontratua (ordezkapena bukatu ondoren, langilea jarraian sartuko da zabalik dagoen lan-poltsara).
  • Ordutegi malgutasuna eta bizitza pertsonala eta laborala kontziliatzeko erraztasunak.
  • Lanaldiaren %40a telelanaren bidez egiteko aukera.
  • Urteko soldata: 20.000 – 25.000 euro gordin.
  • Euskararen eta eraldaketa sozialaren esparruan proiektu bizigarri baten parte izatea.
  • Lantalde gazte eta dinamiko baten partaide izatea.
  • Lanpostua Laudion (Araba) kokatzen da.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide