Mezu hau jaso du Laudioko Uztai Largatxak, eta nola ez, bere konpromisoak gurekin partekatzera animatu da!
Kontuz ibili, zuk ere jaso dezakezu eta!
KAIXO DEABRUAREN ALABA!
Zorionak! Euskararen erroten jolaserako hautatua izan zara, gure hizkuntzarekiko maitasun eta konpromiso kate bat da! Eta ezin duzu eten... Jolasa segi ezik Mari, Tartalo, Galtzagorri eta eguneko zein gaueko izaki mitologiko guztiak zure etxean sartuko dira eta dena hankaz gora jarriko dizute, abisatua zaude! Nik badaezpada kasu egin diot eta agindutakoa bete dut!
Aurtengo abenduaren 3a, Euskararen eguna, ikaragarria izango da. Aiaraldeko Euskalgintza Kontseiluak dei berezia egin digu herritar eta entitateei “konpromisoak hartu eta euskararekiko maitasuna adierazteko”.
Euskarak ez du hitz ederrik behar, konpromisoak behar ditu. Txikiak, handiak, egun batekoak, betirakoak.. (Ideia premian bazaude hemen dituzu 200 proposamen baino gehiago:
https://drive.google.com/file/d/0B_xDLyxnUGO8cXBsdGZ2RmIySWs/view?usp=sharing) Nik nireak hartu ditut, jarraian helduko zaizun bideoan ikusiko duzun bezala...
Zorionekoak gu, hau irakurri baduzu ezin duzu atzera egin, katearen parte zara:
- 24 ordu baino lehen bideo-selfiea grabatu behar duzu euskararen erabilera biderkatzeko zein konpromiso hartuko duzun azalduz
- eta zein 3 pertsona gonbidatzen dituzun eurek ere mandatu hau bete eta konpromisoa har dezaten (bideoan aipatu euren izenak!)
- Mezu hau eta zuk grabatutako bideoa, izendatu dituzun ZURE HERRIKO 3 lagun horie bidali behar diezu watxapez 24 ordu baino lehen; baita konpromisoak@aiaraldekoeuskalgintza.eus helbidera ere (sarean partekatzeko prest bazaude noski ;)
Eta nola ez, abenduaren 3ko goizean Amurrion izango dugun konpromiso eta maitasun festara etor zaitez euritakoarekin, nahi duzun bezala: oinez, patinez, txirrindulaz...
Kasu! Katea eten edo egun bat baino gehiago luzatzen bazara, izaki mitologiko guztiak gainera eroriko zaizkizu! Direnik ez esan, ez direnik ez sinistu!
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide