Hemen daude Ahobizi eta Belarriprest!

Erabiltzailearen aurpegia Aiaraldeko Euskalgintza Kontseilua 2017ko uztailaren 17a

Aiaraldeko Euskalgintzaren Kontseiluak udako kanpaina abiatu du: AHOBIZI eta BELARRIPREST lagunak aurkeztu dizkigu.

Ahobiziak beti euskaraz egiten du, euskaldun diren ezagun guztiekin, eta ezezagunekin lehenengo hitza beti euskaraz egiten du, eta elkarrizketak euskaraz izaten ahalegintzen da beti.
Belarriprestak, euskara ulertzen du eta beti euskara entzuteko prest dago, nahiz eta batzuetan berak erdaraz erantzun.

Ahobizi eta Belarriprest Aiaraldeko eskualdea ezagutzeko asmoz etorri dira, ostairalean Arakaldora joan ziren eta hurrengo egunetan beste hainbat herri bisitatuko dituzte: Areta, Ugarte, Luiaondo, Amurrio, Laudio , Arrankuadiaga-Zollo, Okondo, Orozko, Artziniega eta Urduña.

Haiengana hurbildu zaitez eta entzun esan behar digutena:

IZAN AHOBIZI EDO BELARRIPREST!!!

Euskara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide