Ekimen handiago baten baitan, azoka berezi bat prestatzen ari gara abendurako, eskualdeko kultur ekoizpenaren eta sortzaileen erakuslehio izan nahi duena. Eskualdeko euskarazko ekoizpenari argazkia atera eta hauspoa eman nahi diogu.
Gure musika taldearen diskografia, kontakturako txartelak, afitxak, kamisetak, grabatu nahi dugun hurrengo diskorako crowdfunding kanpainarako esku-orria,... Gure hurrengo antzerki obraren publizitatea eta kontaktua. Nire bibliografia osoa. Grabatu berri dudan laburmetraiaren aurrerapena,...
Sortutakoa erakutsi, saldu eta azaltzeko erakuslehio bat ireki nahi diegu sortzaileei eta euskara ardatz duten elkarte eta norbanakoei. Euskarazko kulturari ikusgarritasuna eman eta kontsumoa bultzatzea xede dugu eskualdean.
Zehaztasun gehiago jakiteko, jar zaitez gurekin harremanetan, lehen bai lehen: e-mailez, telefonoz edo whats-appez.
info@aiaraldekoeuskalgintza.eus
Tlf. 688 86 29 49
Deialdia sortzaileei
2021ko aza. 2a, 13:57
Aiaraldean euskaraz sortzen duen idazle, musikagile, zinegilea... baldin bazara, gurekin harremanetan jarri. Euskara ardatz duen proiektuak garatzen badituzu, kontaktatu gurekin.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide