Larunbat honetan, abenduak 17, Laudioko Faktorian, eskualdeko gazteak deituak gaude euskararen inguruan biltzera. Harremanak sortu, elkar ezagutu, Euskal Herri mailako proiektuak ezagutu, mintzatu, eztabaidatu, proposatu, gogoeta egin,… Larunbatean zer gertatuko den jakin nahi?
Hizkuntzak guri bost? edo, gazteak eta euskara bidaide direla, zerbait piztuko ote da Aiaraldean? Bada interesik? Bada zer eginik? Gazteok, zer esanik ba al dugu? Erantzunaren bila abiatua nahi dugu, gazteak protagonista.
Horretarako larunbat honetako menua:
16:50 Harrera topaketako parte-hartzaileei
17:00 Ongi etorria
17:05 Euskal Herri mailako lau gonbidaturi elkarrizketa
17:45 Publikoaren galderak
17:50 Etzigarriak bideo laburra
18:00 Mahaingurua taldetxoetan
18:30 Mahai bakarraren bueltan: partekatu, eztabaidatu, proposatu,…
19:00 Ibabe eta Iholdi Beristainen bakarrizketa musikatua
19:30 Jan-edana, elkar ezagutu eta agurra
Gonbidatuak
Euskal Herri mailako gonbidatuak izango ditugu larunbatean Faktorian. Orotara lau ordezkaria izango ditugu Faktorian. Oraingoz bi emango ditugu ezagutzera: Etzigarriak proiektuko Ane Zugaza musikari bilbotarra eta Gazte Euskaltzaleen Sareko Aitor Imaz gasteiztarra.
Informazio guztia eskuratzeko hemen.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide