Aiszirimola
Aisialdi hezitzailearen zirimola da honakoa. Hezkuntza formalaz eta ez formalaz hausnartu, gozatu eta bestelako balio askatzaileak sustatzeko baliabideak aireratu nahi ditugu mikrosaio hauetan. 30 minutuko irratsaio laburretan, hezkuntzaren alor ezberdinetan albiste, bideo, artikulu eta adituak izango ditugu entzungai. Gurasoei, hezitzaileei, irakasleei, ikasleei eta hezkuntzan interesa edo kuriositatea izan dezakeen edozeini zuzenduta dago AISZIRIMOLA, eta noizean behin, haur eta gaztetxoen heziketan hain garrantzitsuak diren ipuin, abesti eta jolasak ikasiko ditugu programa hauetan. Aiaraldea Irratian ekoitzi arren, Arrosa sarea, Urtxintxa Eskola, Uhinak Irratia eta Halabedi Irratiaren bidez ere zabaltzen dugu irratsaio hau. Bestelako hezkuntza sistema bat eraikitzen ari garelako, eta denon artean etorkizuneko jendartea iraultzeko haziak baditugulako… Ametsak piztu, poztu eta puztu!!