Amurriok LAIAeskolaren 2020-2021 ikasturterako programazioa osatzen duten hiru jarduera jasoko ditu urrian zehar. Autodefentsa feminista tailerrarekin hasiko da, eta beste urte batez “La hora violeta” Irakurketa Feministako Klubarekin eta Afrikako emakumeei buruzko ziklo batekin jarraituko du.
Lehen jarduera, autodefentsa feminista tailerra, urriaren 3an izango da, 10:00etatik 14:00etara eta 15:00etatik 19:00etara. Tailerra Maitena Monroyk emakumeen aurkako indarkerian aditu eta fisioterapeutak, emango du; erasoen aurrean erantzutea landuko du, autoestimurako eta autodefentsa fisiko eta psikologikorako tekniken bitartez.
Irakurketa Feministako “La hora violeta” Kluba, topaketarako, hausnarketarako eta eztabaidarako gunea izango da aurten ere, ahalduntze eta aberastasun pertsonalerako gunea, hain zuzen ere. Aurkezpena urriaren 14an izango da, 18:00etan, Kultur Etxean, eta hurrengo saioak hilabete bakoitzeko bigarren asteazkenean egingo dira. Klubaren koordinatzailea Begoña Etayo genero berdintasunean eta garapenerako lankidetzan aditua, izango da.
Azkenik, Afrikako emakumeei buruzko zikloa antolatu da Kultur Etxean; emakume horien eta euren borroken historian sakondu nahi da. Urriaren 23an, 18:00etan, “Emakumeen borrokak Afrikan” hitzaldia egongo da Angela Nzambi hizlariaren eskutik. Zikloa osatzeko, urriaren 24an, 11:00etan, “Feminismo negro” tailerra egingo da Jeanne-Rolande Dacougna Minketteren eskutik. Tailerrean parte hartzeko beharrezkoa izango da izena ematea.
Izen-emateak
Jardueretan parte hartzeko beharrezkoa izango da aldez aurretik izena ematea. Autodefentsa feminista ikastaroaren eta Afrikako emakumeen zikloaren kasuan, Amurrioko Udaleko berdintasun arloan, berdintasuna@amurrio.eus edo 945891161 telefono zenbakian. Irakurketa-klubaren kasuan, Aiarako Kuadrillako berdintasun-zerbitzuan, cayala.miren@ayto.araba.eus edo 686587889 zenbakian eman beharko da izena.