Azoka garaile Patata Tortilla Pintxoaren I. Hamabostaldian

Erabiltzailearen aurpegia

Azaroko azken hamabostaldian zehar Laudioko patata tortilla pintxoaren ibilbideaz gozatu dugu.

Lehenik eta behin, eskerrak eman nahi dizkiegu ibilbidea egin duten eta parte hartu duten herritar guztiei.

Azoka tabernak lortu du boto gehien ibilbidea osatuz parte hartu duten bezeroen partetik. Haitzulo Barri eta Herriko Etxea ere nabarmendu nahi ditugu, bigarren eta hirugarren geratu baitira, hurrenez hurren.

Atzo goizean egin zen zozketa, eta Eneko Aretxagak irabazi du bi lagunentzako asteburu bateko vip kutxa baten sari izarra. Azokako tortilla bat ere egokitu zaio. Gainera, Maider Lorenzo izan da bigarren postuan geratu den tortilla eraman duena, Haitzulo Barrikoa, hain zuzen.

Zorionak!

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide