Itxita egongo da zirkulaziorako Nerbioiko parke linealeko zaldain bat, zerrautsez betetako kamioi bat irauli delako. Oinezko eta txirrinduzkoen zirkulazioa itxita egongo da prebentzio neurri gisa Nerbioiko parke linealeko Markijanako zaldainean, zerrautsez beteta zihoan kamioi bat irauli ostean A-625 errepidean.
Istripua atzo gertatu zen, eta Ingurumen Saileko foru teknikariek eta adituek gaur goizean ikuskatzen aritu ondoren, Arabako Foru Aldundiak erabaki du itxita edukitzea oraindik zaldainerako sarbidea, prebentziozko neurri gisa.
Arabako Foru Aldundiak, nolanahi ere, jakitera emango du noiz irekiko den berriz ere erabiltzeko; edozein modutan ere, oztopatzen ari den zama kendu eta kalte guztiak konpondutakoan izango da hori.
Nerbioiko parke linealeko zaldain bat itxi dute, atzoko istripua dela eta
2017ko eka. 20a, 21:20
Erlazionatuak
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide