Arabako Foru Aldundiak 252.751 euro bideratuko ditu Amurrioko eta Espejoko adinekoentzako etxebizitza komunitarioetarako

Erabiltzailearen aurpegia Arabako Foru Aldundia 2023ko urriaren 17a

Gaur goizean, Foru Gobernu Kontseiluak hitzarmen bat onetsi du Amurrioko eta Gaubeako udalekin, kudeaketan eta funtzionamenduan laguntzeko beren etxebizitza komunitarioetan, non mendekotasun arina duten adinekoak bizi baitira. Arabako Foru Aldundiak 252.751 eurorekin finantzatuko ditu, aurten, bi hitzarmen horiek.

Gaubeako etxebizitzak, zeina Espejon baitago, guztira 16 pertsonentzako edukiera du: 10 egoitza plazetan, 3 eguneko arretan eta beste 3 kanpoko zerbitzuetan. Amurrioko etxebizitzak, berriz, 8 pertsonentzako edukiera du.

Mendekotasun moderatua (1. maila) duten adineko pertsonentzako etxebizitza komunitarioak baliabide txikiak dira, baina kalitatezko arreta ematen dute Arabako Lurralde Historikoan barreiatuta dauden herrietan. Bertan bizi diren pertsonek berek kudeatzen eta antolatzen dituzte zentroko jarduerak, eta kanpoko laguntza behar dute.

Haien titularrak udalak badira ere, Foru Aldundiak udal horiekin lankidetza hitzarmenak izenpetuta dauzka, haien bidez etxebizitzen kudeaketa eta mantentze lanak finantzatzeko. Espejon eta Amurrion dauden etxebizitza komunitarioez gainera, Araban Guardia, Kanpezu eta Asparreneko udalek ere badaukate baliabide mota hori.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide