Panderoa, emakumearen ahalduntzea tresna honen bidez, euskara eta kultura ditu aztergai nagusi lan honek. Emakume pandero-jotzaile, trikitilari, bertsolari, kirolari eta idazleen narrazioen bidez, instrumentu honek Euskal Herriko historia garaikidean izan duen papera ezagutarazten du.
Bizkaiko Foru Aldundiaren babesa eta EITBren parte hartzea dituen dokumentala hiru euskal pandero-jotzaileren testigantzak bilduz hasten da: Nati Bilbao, 91 urtekoa, pandero-jotzailea eta musika tradizionalaren kondaira; Maixa Lizarribar, euskal folk tradizionalean ibilbide luzeko pandero-jotzaile eta trikitilaria, eta Rakel Pujana, pandero-jotzailea eta traizioa eta modernitatea uztartu izan dituzten musika taldeetako kidea. Hirurek musikaren munduan nola hasi ziren kontatuko dute, eta urteen joan-etorrian batez ere maskulinoa izan den mundu batean bizitako esperientziak ekarriko dituzte gogora.
Horien bizipenak Aingeru Berguices Historia Garaikidean doktorearen proposamena ulertzeko abiapuntu gisa erabiliko ditu dokumentalak. Pandero-jotzailea, historikoki, gure gizartean nolabaiteko boterea izan duen emakumea dela azaltzen du berak. Espazioan eta denboran oso mugatua festara, erromeriara, baina benetakoa eta errespetatua.
Iturria: EITB.tv
- Zuzendaritza: Panarama Studio
- Ekoizpen exekutiboa: Txabi Anuzita, Germán Rubio, Marcell Erdelyi, Davide Cabaleiro
- Ideia originala: Aingeru Berguices
- Gidoia: Ivan Batty, Marian Gerrikabeitia
- Ekoizpen burua: Elena Moreira
- Ekoizpen laguntzaileak: Ramón Bahamonde, Txemari Ortiz de Luna, Laura Gutiérrez
- Erredaktorea: Marian Porcel
- Zuzendari laguntzailea: Ivan Batty
- Argazki zuzendaria: Marcell Erdelyi
- Kamerariak: Ivan Altube, Carlos Padilla
- Zuzeneko soinua: Alberto de la Hoz, Fabio de las Morenas, Collider
- Edizioa: Marian Gerrikabeitia
- Audio edizioa: Alberto de la Hoz, Panarama
- Iraupena: 61 minutu
- Estreinaldia: 2020
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide