IRITZIA

#Arberaszone, mila esker lagunak!

Erabiltzailearen aurpegia
#Arberaszone-a Ozekan. / Aiaraldea.eus

Inguru paregabea, Aiaraldeko errepide ezezagunak, Gorobel zuriz jantzita eta txirrindulariak etapa borrokatzeko gogotsu. Txirrindularitza egun paregabea bizitzeko behar ziren osagai guztiak izan genituen Laudio eta Amurrio arteko etapan. 

Bide bazterrean zaletu mordo eta, zaletuen artean, koadrillakoak batu ziren ere #Arberaszone pankartapean, letra hauek idazten ari denaren aurpegiaren irudiak eskuan. Zelako artistak! Egoitz, Endika, Urko, Jagoba, Urritz, Arkaitz, Jon Ander eta Iñaki eta aritu diren hainbeste. Parranda antolatzeko profesionalak dira koadrillan eta ondo erakusten dute aukera dagoenean.

2020ko Tourrean, Marie Blanque mendateko zuzengunean zer nolako sorpresa harrapatu nuen nire aurpegia XXL formatuan errepide bazterrean ikusita. Tropelean ikusi ez zuenik ez zen egon eta gero Tourrean zehar barreak eta txantxak ugari izan ziren nire aurpegiko kartelen inguruan. 

Lagunak pozak bikoiztu eta penak erdibitu egiten dituztela diote. Pellok lortutako garaipen bikainaren poztasuna familia eta lagunekin konpartitzeko aukera izatea gutxitan dugun aukera da. Lerro hauetatik, milesker lagunak!

Erlazionatuak

Ozekako gaina hartu du marea laranjak Itzuliaren 3. jardunaldian

Aiaraldea

Itzuliaren 3. etapa lehiatu da gaur Aiaraldean. Ozekako gaina izan da lasterketako puntu beroetako bat, eta dozenaka zale elkartu dira bertan. Pell...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide