Herriak hartu zituen errefuxiatuak

Arrankudiaga eta Zolloko Udala 2020ko abu. 12a, 11:30

Errefuxiatuen presentzia erakusten duen dokumentua./ Arrankudiaga-Zolloko Udala

1936ko irailean Arrankudiaga-Zollora errefuxiatu asko iristen hasi ziren, frontetik hurbil zeuden Gipuzkoa, Nafarroa eta Burgosetik, besteak beste. 1937ko martxoaren 31n Bizkaiaren aurkako erasoa hasi zenean, Bizkaiko beste herri batzuetako errefuxiatuak ere hasi ziren iristen.

Arrankudiaga-Zollon 100 errefuxiatu inguru hartu ziren, kopuru handia garai hartan 800 biztanle zituen udalerri batean. Familia osoei egin zieten harrera, modu solidarioan, lokal publikoetan eta Gizarte Laguntzako Batzordeak egindako deialdiari modu boluntarioan erantzun zioten bizilagunen etxeetan. Hauetako gehienak eskoletan zeuden, eta bertan jangela komunitario bat zegoen.

Garai hartako hainbat dokumentuk erakusten digute herriak oso ondo erantzun ziola errefuxiatuak hartzeko eskaerari. Udal eskolak egokitu ziren, Epalzari Zelaiko Dorrea konfiskatu zitzaion eta hainbat etxe xumek zenbait errefuxiatu etxean hartzeko borondatea aurkeztu zuten.

Rosa Gorostizaga. In memoriam

Pertsona horien artean azpimarratzekoa da Rosa Gorostizaga, Emakume Abertzale Batzako kidea, errefuxiatu askoren lekualdaketa eta zaintza antolatu eta babestu baitzuen.

Bitxia bada ere, bere autoa konfiskatu egin zuten eta errefuxiatuak eta elikagaiak lekualdatzeko erabili zuten.

Azkenean, erbestera ihes egin behar izan zuen eta bere jabetzak faxistek konfiskatu zituzten.

Historia Arrankudiaga-Zollo

Erlazionatuak

[HISTORIAREN ISTORIOAK] Rosa Gorostizaga: errefuxiatuak hartzetik, errefuxiatu izatera

Erredakzioa 2018 mar 18 Arrankudiaga-Zollo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide