Zer topatu dezake Agrolaudiora bertaratzen denak?
Denetarik. Mota guztientzako animali eta abereentzako pentsu eta janariak ditugu. Landare eta hazi andana ere dugu, eta mota askotako produktuak ere.
Baserritarrentzako produktuak eskaintzen dituzue, beraz.
Hori da, baserri munduan behar den edozer gauza dugu. Hala ere, ez gara erosle handietara mugatzen. Edonor etorri daiteke gure biltegira gauzak erostera, gazte zein helduak.
“Baserri munduan behar den gauza oro topatu daiteke Agrolaudion”
Valentziatik laranja ekologikoak ekartzen dituzue, ez?
Hori da. Zelai bat genuen bertan laranjondoekin eta bertatik ekartzen genituen. Aurten ez dugu zelai hori ustiatzerik izan. Gauzak hala, bertako ekoizleei erosten dizkiegu. Urrian hasi ginen eta apirilera arte egongo gara ekartzen. Astero 8.000 kilo ekartzen ditugu. Kantabriatik eta EAEtik banatzen dugu batez ere, eta baita Aiaraldetik ere, zuhaitzetik hartu eta 48 ordura.
Laranjak nahi dituenak gurekin harremanetan jarri edo Agrolaudiotik igaro baino ez du egin behar. Jende gehienak kutxa bat hartzen du gutxienez, baina kasu batzuetan gutxiago ere hartzen dituzte.
Etxe etxeko banaketa ere egiten duzue, ezta?
Bai, orain hasi gara eskaintzen. Eskaera jaso eta bi egunera entregatzen dugu. Ez dugu ezer kobratzen eramateagatik, baina kutxa bakarra baldin bada posta bidez bidaltzen dugu eta diru-kopuru bat eskatzen dugu trukean, bidalketa gastuengatik. Baina kutxa ugari baldin badira gure kabuz eramaten ditugu.