2021-2022. ikasturterako matrikulazio kanpaina aurreratu du Eusko Jaurlaritzako Hezkuntza Sailburuak. Urtarrilaren 18tik 29ra izango dute gurasoek eskabide eta egiaztagiriak aurkezteko epea, Internet bidez zein aukeratutako lehen hezkuntza zentroko idazkaritzan. Martxoaren 9an plazaratuko dira behin-behineko zerrendak.
Ohikoan baino goizago hasi eta bukatuko da 2021-2022 ikasturterako Haur, Lehen eta Derrigorrezko Bigarren Hezkuntzako matrikulazio kanpaina. Datorren astelehenean hasiko da eta hilabete amaierara arte luzatuko da.
Epeak
Urtarrilaren 18tik 29ra egongo da eskabideak eta egiaztagiriak aurkezteko epea. Bi modutara aurkeztu ahalko dira: Internet bidez edo aukeratutako lehen ikastetxeko idazkaritzara joz. Lehen kasuan ikasgunea.euskadi.eus webgunera jo beharko da. Duda edo zalantzarik izanez gero mezua bidali daiteke ikasgunea@hezkuntza.net helbidera.
Eskatzaile guztien zerrenda otsailaren 16an argitaratuko da, eta martxoaren 9an plazaratuko dira behin behineko zerrendak. Orduan irekiko da erreklamazioak egiteko epea, martxoaren 16ra arte, eta 23an argitaratuko dira behin betiko zerrendak.
Digitalazioan sakonduz
Eusko Jaurlaritzak 35 milioi euro bideratuko ditu datorren urtean eskola publikoaren digitalizazioa bermatzeko. Datorren ikasturtean, Lehen Hezkuntzako 5. maila eta Batxilergoko 2. maila bitarteko ikastetxe publikoetako ikasle guztiek ordenagailu eramangarri propioa izango dute, Hezkuntza sailburuak ziurtatu duenez.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
