Banaka egingo dituzte Laudioko La Milagrosa ikastetxeko “Ate Zabalik” jardunaldiak, COVID-19aren pandemiak sortutako egoera dela eta. Aurrez aurre edo online egingo dituzte topaketak, gurasoei erosoen suertatzen zaien moduan. “Bertatik bertara ezagutu ahal izango dituzue gure ikastetxearen instalazioak, funtzionamendua eta gure hezkuntza-eskaintza”, azaldu dute.
Ikasle bakoitzak ordenagailu propioa, beste gauza askoren artean
0-16 urte bitarteko hezkuntza eskaintza dute La Milagrosan, eta 1x1 proiektua garatu dute, Lehen Hezkuntzako 4. mailatik aurrera ikasle bakoitzak ordenagailu propioa izan dezan.
Horrez gain, Bigarren Hezkuntzatik aurrera lanaldi jarraitua egiten dute eta etengabeko berrikuntza pedagogikoan murgilduta daude. Aniztasuna da ikastetxeko beste balio erantsietako bat, eta orientazio akademiko zein profesionala ere bideratzen dute. Eskuragarritasun handiko ikastetxea da La Milagrosa, ordu-eskaintza zabala duelako eta gurasoen parte hartzea sustatzen duelako.
Gainera, zerbitzu gehigarri ugari ere ditu zentroak: haurtzaindegia, “Goiztiarren gela”, eskola-jantokia... horiek guztiak goitik behera ezagutzeko aukera izango dute gurasoen jardunaldietan. Bertan parte hartzeko zuzendaritza@lamilagrosalaudio.eus helbidearen idatzi, 94 672 07 01 telefonora deitu edo www.lamilagrosalaudio.eus webgunea bisitatu daiteke.
