Babestutako edukiak

Fernando Velazquez konpositore eta orkestra-zuzendariaren balioak bere egin ditu Laboral Kutxak

Erabiltzailearen aurpegia

Ibilbide pertsonalaren eta profesionalaren bidez banka kooperatiboaren balioak islatzen dituzten protagonistak aukeratu ditu Laboral Kutxak azken kanpainetarako; bezeroei eskaini eta helarazi nahi dizkien balioekin bat datozenak, hain zuzen. Horien artean dago Fernando Velazquez konpositore eta orkestra-zuzendari getxotarra.

Kanpaina berriko protagonista den Velazquez konpositore eta orkestra-zuzendariari dagokionez, Laboral Kutxak bere egiten ditu, bete-betean, balio hauek: talde-lana, lankidetza eta, zehazki, konposizio-lanen malgutasuna, ezinbestekoa film bakoitzaren estilora egokitzeko. Izan ere, gauza bera egiten du entitateak bere bezeroekin. 

Soinu-bandek eman diote, batik bat, entzutea Velazquezi. Haien artean, garrantzi handiko filmak daude, hala nola El orfanato, Ocho apellidos vascos, Lo imposible, Hércules, Un monstruo viene a verme (musika originalik onenaren Goya saria eskuratu zuena), El guardián invisible, El secreto de Marrowbone eta Patria telesaila. Orkestra zuzendari gisa, berriz, honako hauek zuzendu ditu: Euskadiko Orkestra Sinfonikoa, London Metropolitan Orquestra, Budapesteko Irratiko Orkestra Sinfonikoa, Bilboko Orkestra Sinfonikoa eta beste batzuk.

Humanity at Music konposizioko pieza

Kanpainaren grabazioa Gasteizko Jesus Guridi Musika Kontserbatorioan egin zen, Euskadiko Orkestra Sinfonikoko kideek eta inguruko beste orkestra batzuek osatutako talde batekin. Iragarkirako jo zuten pieza ez zen ausaz aukeratu: Humanity at Music da, Velazquezen konposizioa, Laboral Kutxa partaide duen Mondragon Korporazio Kooperatiboaren izen bereko proiekturako sortua. 

Humanity at Music izeneko ikuskizunaren eta liburuaren bidez, filosofia eta balio kooperatiboak hedatu nahi izan ziren. Proiektu horretan, musika, narratiba, kantua, ilustrazioa, bertsolaritza, antzerkia eta dantza uztartu ziren, eta soinu-banda, jakina, Velazquezek egin zuen. Proiektuan parte hartzeko, buru-belarri murgildu zen esperientzia kooperatiboan, eta funtsean horregatik aukeratu genuen gure kanpainaren protagonista izateko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide