Zer da Pikler pedagogia?
Pikler pedagogia haurren hazkundeari laguntzeko modu bat da, eta haurren jakin-min naturala eta beren garapen-gaitasunak ditu ardatz. Emmi Pikler-ek, Hungariako pediatrak, helduaren zereginari eta haurraren garapen motorrean izan zuen esku-hartzeari buruz ikertu zuen; haren arabera, haurrek, beren ahalmen guztia garatzeko, espazioa, mugimendu-askatasuna eta arropa erosoa baino ez dute behar.
Zein adineko haurrei dago zuzendua?
Pedagogia hau 0 eta 3 urte bitarteko hazkunde-etapa goiztiar eta erabakigarrian oinarritzen da.
Etapa hori lantzen ari gara Amaurre Txikin. Haurraren mugimendu librea da pedagogia honen giltzarria.
Zein da hezitzaileen papera?
Pedagogia honetan, helduak haur bakoitzaren erritmoa errespetatu behar du. Haur bakoitza desberdina den bezala, bere garapen-etapak ere hala dira.
Gure haurtxoei ez diegu zertan bidea erakutsi, baizik eta nori berea egiten uztea garapen autonomoan lagun eginez. Horrek guztiak lagundu egiten dio haurrari bere gaitasunak aurkitzen, bere porrotetatik eta lorpenetatik abiatuta ikasten.
Guri dagokigu motrizitate aske baterako baldintzak ziurtatzea, eta hala egiten dugunean, haren bilakaera harmonian eta segurtasunean nabaritzen da, haren mugimenduetan.
Azpiegitura berezia behar da pedagogia hau aplikatzeko?
Portaera egokia ahalbidetzeko, ingurune fisiko egokia behar da. Horregatik, Pikler metodologiak hainbat material proposatzen ditu, “Pikler altzariak”. Hauei esker hainbat gauza landu ahal dira; oreka, muskuluen indarra, askatasuna, lorpenak, ausardia. Eta Amaurre Txikin altzari hauez gozatzeko aukera ematen dugu.
Labirintoa da proposamen piklerianoaren material enblematiko eta identitarioenetako bat. Esperientzia eta aukera ugari eskaintzen ditu, bai mugimenduari lotuak, bai elkarrekintzakoak.
Zeintzuk dira pedagogia honen onurak?
Ugariak dira Pikler pedagogiaren onurak: Psikomotrizitate-zirkuituak sortzeko aukera ematen du, haurren ikaskuntza motorraren alde egiten duena, modu autonomo eta guztiz librean.
Gainera, haurrek sormena eta irudimena garatzen dituzte, kirola eta jarduera fisikoa sustatzearekin batera. Haurren garapenean ere eragina du pedagogia honek; haurren giharrak eta hezurrak indartzen eta garatzen laguntzen baitu.