Aitzindariak izan ziren Luyandotarrak optikaren munduan. Familia negozio bezala sortu zuten optika, eta horrela egin du aurrera azken 40 urteetan, belaunaldiz belaunaldi.
Hiru anaiek ekin zioten proiektuari, Gasteizen, 1981. urtean, Optica Lui izenpean. Gerora Amurriora egin zuten jauzia, eta gero Laudion eta Urduñan ere zabaldu zituzten dendak, besteak beste. Semeek heldu zioten lekukoari ostean. Orduan, negozioa banatu eta gaur egun ezaguna den Luyando Opticos taldea sortu zuten.
Luyando Opticos taldeko zentroetan begien graduazioa neurtu edota audiometriak egiteko aukera eskaintzen dute
Talde lana ardatz
Familia negozioa izanik ere, talde-lana da optikaren indargune nagusia. Luyando Opticosek lankide guztien formazioan jarri du indarra urte luzez, gaur egungo talde kontsolidatua eta prestatua lortu arte. Lantaldeko kide bakoitzak funtzio konkretua betetzen du, optikaren funtzionamendu optimoa bermatze aldera.
Bezeroa erdigunean
Optika ez da betaurreko denda soil bat, bezeroari zerbitzu indibidualizatua eskaintzen dion espazioa baizik. Begien graduazioa neurtu eta audiometria bidez entzumena kontrolatu daiteke bertan. Gainera, bezero bakoitzaren jarraipena egiteaz arduratzen dira.
Horrez gain, teknika berritzaileen ezagutza sakona eskuratu dute formazioari esker. Besteak beste, ikusmen baxuan, ortokeratologian eta miopiaren kontrolean espezializatuak daude Luyando Opticoseko kideak.
Marka onenekin lan egiten dute optikako kideek, "emaitza onenak lortzea helburu". Audiofonoei dagokionez, Widex konpainiarekin egiten dute lan. Leiarren arloan, aldiz, Essilor eta Zeiss etxeak dituzte bidelagun, punta-puntako markak biak.