Duela 30 urte sortu zen Elkarlan Lauren Uria eta Jose Miguel Pikatzaren ekimenez. Ekonomilaria bata eta lan-harremanetan graduatua bestea, 1990. urtean sortu zuten ekimena. Hasiera batean aseguru enpresa zena aholkularitza enpresa integral ere bilakatu da. Aiara etorbideko bulego txiki batean hasi zuten proiektua. Gaur egun, 30 urteren buruan, hiru bulego ditu Elkarlanek: Amurrion, Laudion eta Ugaon.
Hasieran orotariko tramiteak kudeatzen zituen: etxebizitza-komunitateak, lizentziak, herentziak... Urteen poderioz profesionalizatzen joan da bere jarduna, eta gaur egun enpresei bideratutako aholkularitza zerbitzuak eskaintzen ditu bereziki: kontabilitatea, kooperatiben eta elkarteen kudeaketa... Lan profesionalizatua da gaur egun Elkarlanek eskaintzen duena; bai kontabilitate ikuspegitik, bai arlo laboralean, bai fiskalki eta baita arlo juridikoan ere. Horretarako, lan-talde sendo eta anitza du administrariz, abokatuz, ekonomilariz edota lan harremanetako adituz osatua.
Enpresen eta autonomoen beharrak aldatuz joan dira, eta aldaketa horietara egokitu da Elkarlan
Nahiz eta eskualde mailan hasi, gaur egun Urduñatik Bilboraino hedatuta dagoen aholkularitza enpresa bilakatu da. Eskualdean enpresa txiki eta ertainekin egiten du lan, autonomoekin eta baita ostalaritza eta merkataritza sektoreko enpresekin ere. Baina baditu kooperatiba eta enpresa handiagoak ere. Kasu gehienetan, zerbitzu integrala eskaintzen dute. Beste batzuetan, aldiz, atal batzuk kudeatzen dituzte, hala nola arlo fiskala edo laborala.
Aldaketetara egokituz
Enpresen eta autonomoen beharrak aldatuz joan dira, eta aldaketa horietara egokituz joan da Elkarlan ere. Enpresek Ogasunarekin, Gizarte Segurantzarekin eta administrazioekin oro har dituzten ardurak handituz joan dira, eta modu berean hazi da Elkarlanek duen ardura ere.
Orotarikoak dira aholkularitza enpresak eskaintzen dituen zerbitzuak. “Jende askok ez daki aholkularitza enpresen jarduna zein den, baina egiten dugun lana ezinbestekoa da enpresa askorentzat”, nabarmendu dute Elkarlaneko arduradunek. "Lan handia egiten dugu ekintzaileekin. Dirulaguntzak, bideragarritasun planak... horrelako asko egiten ditugu gure esperientzia baliatuta, euren bidelagunak gara". Alokatzaile eta maizterren arteko harremana bideratzeaz ere arduratzen dira.
COVID-19ak azkartu egin ditu administrazioko arretan gertatzen ari ziren aldaketa batzuk, eta horretan ezinbesteko bilakatu da Elkarlanek eskaintzen duen zubi lana.Informatikan berritzeko beharra ere azpimarratu dute Elkarlaneko kideek, eta horretan ari dira, enpresa eta autonomoei ahalik eta zerbitzu eraginkorrena eskaintzeko helburuarekin.
30 urteren buruan hazten jarraitzen duen aholkularitza enpresa da Elkarlan, eta gogotsu begiratzen dio etorkizuneko erronkei, Aiaraldeko enpresei laguntza eskaintzen jarraitzeko.