Eusko Jaurlaritzako Hezkuntza Sailak urtarrilaren 28ra arte luzatuko du Haur Hezkuntzan, Lehen Hezkuntzan eta Derrigorrezko Bigarren Hezkuntzan aurrematrikulatzeko epea. Aiaraldean ikastetxe publiko zein itunpekoen eskaintza zabala dago ikasleen eskura.
Eusko Jaurlaritzako Hezkuntza Sailak iragan urtarrilaren 17an (astelehena) abiatu zuen Euskal Autonomia Erkidegoko ikastetxe publiko eta itunpekoetan 2022-2023 ikasturterako Haur-Hezkuntzan, Lehen Hezkuntzan eta Derrigorrezko Bigarren Hezkuntzan aurrematrikulatzeko epea. Egutegi komuna da EAEko ikastetxe guztietarako, eta matrikulazio epea urtarrilaren 28ra arte egongo da zabalik.
Behin epe hori agortuta, martxoaren 8tik 15era bitarte argitaratuko dituzte behin behineko zerrendak, eta erreklamazioak egiteko epea martxoaren 15era arte luzatuko da. Behin betiko zerrendak martxoaren 22an eta apirilaren 22a bitarte argitaratuko dira, hauei errekurtsoa aurkezteko epea apirilaren 22ra arte luzatuko delarik. Itxarote zerrenden iraunaldia irailaren 16an agortuko da. Ohikoan bezala bi bide egongo dira eskabidea egiteko: Internet bidez urtarrilaren 28ko gauerdira arte, edo aurrez aurre aukeratutako lehenengo ikastetxean, bertako idazkaritza ordutegiaren barruan. Eskatzaile bakoitzak gehienez 12 aukera egin ahalko ditu, lehentasunaren araberako hurrenkeran, eta horrekin batera hizkuntza eredua hautatu beharko du.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
