BABESTUTAKO EDUKIA

Ingelesa, alemana eta frantsesa ikasteko aukera eskainiko du Idiomas Fundazioak Laudion

Erabiltzailearen aurpegia
Laudioko Herriko Plazan irekiko dute hizkuntza-eskola berria. / Idiomas Fundazioa

1967an sortutako Idiomas Fundazioak hizkuntza-eskola berria irekiko du Laudioko Herriko Plazan. Hezkuntza eskaintza zabala aurkeztu du, eta matrikulazio epea ekainaren 24ra arte egongo da zabalik Internet bidez. 50 urteko esperientzia du Fundazioak hizkuntzen ezagutza transmititzen.

Idiomas Vital Fundazioak hizkuntza-eskola berriaren ateak irekiko ditu datorren ikasturtean Laudioko Herriko plazan bertan. Orain arte Arabako Ogasunaren bulegoak izandakoak hizkuntza eskaintza zabala izango du herritarren eskura aurrerantzean.

Matrikulazioa zabalik

Honezkero zabalik dago hezkuntza zentro berrian matrikulatzeko epea. Interesdunek ekainaren 24ra arte izango dute hori egiteko aukera. Internet bidez dago matriulatzeko aukera, eta 945257666  telefono zenbakia ere jarri dute herritarren eskura, edozein zalantza argitzeko. Astelehenetik ostiralera 17:30etatik 21:00etara eskainiko dute arreta.

2022-2023 ikasturteko matrikulazio epea ekainaren 24ra arte egongo da zabalik

Hezkuntza-eskaintza

Hainbat hizkuntza ikasteko aukera eskainiko du Idiomas Fundazioaren Laudioko hizkuntza eskola berriak. Ingelesak, frantsesak eta alemanak osatzen dute haur zein helduei zuzendutako  hizkuntza eskaintza. Astero hiru eskola ordu eskainiko dituzte, eta matrikularen prezioa 600 eurokoa izango da, eta familia ugarietako kideek %15eko hobaria eskuratu ahalko dute.

Gainera online-prestakuntza plataforma bat ere prestatu dute, aurrez aurreko eskolen osagarri. Horrek mota guztietako prestakuntza-dokumentazio gehigarria eta ikaskuntza hobetzeko ariketa praktiko ugari izatea ahalbidetuko die ikasleei.

Idiomas Fundazioa

1967an sortu zen Vital Kutxaren Idiomas Fundazioak 50 urte baino gehiago daramatza Gasteizen ingelesa eta bestelako hizkuntzak irakasten, titulazio ofiziala, gaitasuna eta eskarmentua duten irakasleekin. "Bikaintasun akademikoa"dute balio nagusi, eta hori izan dute haur zein helduen hizkuntza heziketa bideratzeko.

50 urteren ostean, Laudion ere egongo Idiomas Fundazioarekin da hizkuntza desberdinak ikasteko aukera.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide