Zein da gaur egun klinikaren indargunea?
Gure indargunea laser-diodoaren erabilera da. Teknika hori baliatzen ari gara gure ebakuntzetan. Jendeak normalean beldur handia die ebakuntza odontologikoei, eta gure prozedura berritzailearen bidez segurtasuna eskaintzen diegu pazienteei eta haien pertzepzioa asko aldatzen da.
Nola aldatzen da pertzepzio hori?
Teknika tradizionalek beti utziko dute mina edota hantura, kasurik okerrenetan ere aurpegia berde jar dakioke. Normalean beste paziente askoren kontuak entzunda etortzen dira klinikara, pazientearen beldurra areagotuz.
Guk ebakuntza aurretik laserra baliatzen dugu, lan egingo dugun zonaldeko ehunen bio-estimulazioa egiteko. Horri esker bi efektu lortzen ditugu: antinflamatarioa eta antibiotikoa.
Horren emaitza adierazgarrienak ebakunzta ostean ikus daitezke. Adibide bat jartzearren azeknaginak edo atzeko 3. hagina kendu zaizkien pazienteek 15-20 eguneko errekuperazioa behar izaten dute. Laserra aplikatu den kasuetan epe hori 3 egunera murriztu dezakegu.
Zenbat denbora daramazue hori aplikatzen?
Urtebete daramagu hau aplikatzen. Oso emaitza onak lortu ditugu. Horrek gaiaren inguruan gehiago ikastera animatu nau. Graduondo bat nago ikasten.
“Arreta berezia jartzen diot protesi-odontologiko lanak ahalik eta modu egokienean egikaritzeari”
Protesiekin ere asko lan egiten duzue.
Bai, eta ni neu arduratzen naiz lan horiek ikuskatzeaz. Izan ere, protesista ere banaiz. Arreta berezia jartzen diot lan hauek ahalik eta modu egokienean egikaritzeari.
Beste teknika berritzaileren bat duzue?
Orain 3D eskaner panoramiko bat dugu. Ebakuntzak egin aurretik beharrezko parametro guztiak zehetasunez eskaintzen dizkit. Eskaner intraorala ere badugu.