Nola sortu zenuen Mel Limpiezas enpresa?
Duela bi urte beste lan bat neukan, betse enpresa batean, baina ez nengoen gustura. Hori dela eta nire kabuz negozioa hastea erabaki nuen, eta 2021eko urtarrilean ekin nion lanari. Ezin naiz kexatu. Jende nahikotxok ezagutzen nau herrian. Hasiera gogorra izan zen, baina ahoz ahokoak asko laguntzen du. Sare sozialek ere bultzada eman didate, Instagramari esker asko zabaldu gara.
Nolako lanak burutzen dituzue?
Hasieran denetarik egiten genuen: etxeak, garbiketa orokorrak… Obren amaierako garbiketak asko ere egiten genituen. Gaur egun dugun lan gehiena atarien, bulegoen eta garajeen garbiketan datza. Kristalen garbiketan ere espezializatu gara azken aldian. Makina berri batzuk eskuratu ditugu kristalen eta fatxaden garbiketarako. Makina bereziak dira, ur-ozmotizatua erabiltzen dutenak; prozesu guztiz ekologikoa da, ura bakrrik erabiltzen dute. Zerbitzua beirate handiak dituzten enpresei dago zuzendua batez ere, horretan espezializatu nahi dut datozen hilabeteetan.
Nola antolatzen zarete lana aurrera ateratzeko?
Geroz eta egituratuagoa dugu gure egunerokoa. Niri gainera asko gustatzen zait berritzea, beti nago lana jasangarriagoa egiteko teknika eta berrikuntzen bila. Duela gutxi ere gimnasioetako gomazko zorua garbitzeko makinaria eskuratu nuen, horretan espezializatzea gustatuko litzaidake ere; eta, gaur egun betetzen ditudan lanak burutzeko lan-postu berriak sortzea.
Zein herritan egiten duzue lan?
Orozko, Laudio eta Amurrio artean nagusiki. Noizbait Urduñan ere egin dut lan. Aiaraldea eskualdea hartzen dut nire baitan oro har. Ez dut urrunagora hedatu nahi, hemen lana soberan dago.
Bi urte hauetan, kanpoko garbiketa enpresa askorekin egin dut topo: Kantabriakoak, Basaurikoak… Asko harritu nau. Izan ere, uste dut eskualdean badaudela lan hori bete dezaketen tokiko garbiketa enpresak. Hori da nire asmoa, eskualdeko bezeroen konfiantza irabaztea, kalitatezko lana eginez.