Neguan burutu du Bor-bor elkarteak feminismotik euskaraz eskualdea saretu eta ahalduntzeko lehenbiziko zikloa. Hain zuzen, Andrea Velasco nutrizionistaren gidaritzapean Osasuna eta elikadura ikuspegi feministatik tailer sorta izan da aurreneko ekintza.
Laia Eskolaren babesarekin eta Elikadura Faktoriarekin elkarlanean antolatu da egitasmoa, eta hiru saiotan jende ugari bertaratu da. "Plaza kopurua 12 lagunekoa zen, eta emakume ugari geratu dira kanpoan, itxaron zerrendan", adierazi dute.
Hori dela eta, zikloak jasotako harrerarekin oso pozik azaldu dira ekimenaren sustatzaileak. Zehazki, 43 emakumekoa izan da asistentzia, guztira, 31 pertsonak eman dutelarik izena, "batzuk hiru saioak errepikatu dituzte".
Hori dela eta, osasun eta elikaduraren bidez espazio eta sare feministak sortzearen garrantzia azpimarratu dute, aurrera begira.
Otsailaren 5ean, giza papilomaren birusaz aritu ziren, otsailaren 19an hilerokoaren zikloaz eta martxoaren 5ean menopausiaz. Hiru saioetan elikadurak duen eraginaz jabetu ziren partaideak, saio teoriko-praktikoak ardatz. Izan ere, 2,5 orduko tailerretan, zita teorikoa eta praktikoa uztartu zituen Andrea Velasco adituak.
View this post on Instagram
Udaberrian, ziklo berria
Maiatzean izango da Bor-bor elkartearen bigarren zikloa. Oraingoan Agroekofeminismoaren gaia erdiguneratuko dute. Aurreratu dutenez, beste hiru saio edo tailer egingo dituzte maiatzaren 14an, 21ean eta 28an.