Kontzejuei ematen zaien zerbitzua bermatzearren, Partzuergoak hainbat eraberritze-lan egin ditu 8 kontzejutako bideraketa-sareko
instalazioen azpiegituretan. Obretarako inbertsioa, azkenean, 83.000 eurotik gorakoa izan da. Kopuru horretatik % 50 Arabako Foru Aldundiak finantzatu du, Araba Uraren Agentziaren bidez.
Aurten Lekamañako (Amurrio) kontzejua Ur Partzuergoan sartu delarik, dagoeneko 8 dira Kantauriko Urkidetzaren kide diren kontzejuak (Arespalditza, Artomaña, Izoria, Larrinbe, Lekamaña, Luiaondo, Olabezar eta Zuhatza), hau da, Aiarako Kuadrillako kontzejuetako biztanleetatik % 60 guztira.
Kantauriko Urkidetzak Partzuergoan sartutako toki erakundeei eskaintzen dizkien zerbitzuak honakoak dira: bideraketa-sarearen
hornikuntza, eta edateko uraren kalitatearen Kontrol eta Zaintza Unitatea.
Gaur egun erakundea lan egiten ari da, edateko uraren bigarren mailako banaketa sareen eta estolderiaren kudeaketa batera eraman ahal izateko.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
