IRITZIA

Birus desinformatiboa

Erabiltzailearen aurpegia

Jada hilabeteetan zenbatzen dugun azkenaldi honek erabat eragin ditu gure bizitzak. Eta ez bakarrik nazioarte osoa hankaz gora jarri duen birusaren ondorioz. Egunero aurki ditzakegu egunkari eta komunikabideetan aipamena merezi duten titularrak. Autore ugarik jorratu dute jada internet eta sare sozialen eraginez ematen den desinformazio andana, eta birus honen garaian, konfinamendutik “normaltasun berria” delakoranzko bide honetan, badirudi fenomenoak bultzada garrantzitsua izan duela. 

Eta nazioarteko fenomenoa denak, Espainian badu bere isla ere. OK Diario, Javier Negre eta halako pertsonaiak bazeuden hau guztia gertatu aurretik. Baina orduan faxistak Espainiako Kongresura iritsi ziren. Eta horren ostean, euren gustukoa ez den gobernu baten osaketak eman zion amaiera urtetako blokeo instituzionalari. Eta hori gutxi balitz, antzeko aurrekaririk gabeko krisi erraldoi bati aurre egiteko ardura hartu behar izan du gobernu horrek. Nahasketa konplexu horrek aurretik lotsatiago zegoen eskuin muturrari adorea eman dio, eta euren burua kazetaritzat agertzen dutenen irudimena ere piztu egin du. Eta gezurrak argitaratzeari ekin diote. Eta hori oso arma arriskutsu bihurtu daiteke. Espainiako alderdi nagusien ordezkariek egindako deklarazio bihurtu daiteke, adibidez. Guardia Zibilak Espainiako Gobernuaren kontrako epaiketa batean aurkeztutako informe bihurtu daiteke, adibidez. 

Eta beldur gehien ematen duena ez da hori, analisi eta albisteen kontraste minimo batekin, egiaren bilaketa minimo batekin konpondu baitaiteke. Beldur gehien ematen duena da askotan (gehiegitan) bilaketa eta analisi horrek sare sozialetan presentzia minimo bat duela. Eta Lurra laua dela defendatzen dutenen edota txertoen kontra daudenen parean, ahots ozenena gezur horien bozeramaileek izaten dutela. Faxismoa eta desinformazioa badira ere kontuan hartzeko moduko birusak.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide