Ikasle Abertzaleaketik apirilean hasi ginen eskualdeko Salbuespen Egoerarako programa politikoa diseinatzen. Programak bere efektibotasuna frogatu du: ikastetxeei helarizatako aldarrikapenek arrakasta izan dute, zuzendaritzek onartuta aplikatuko direlako.
Hala ere, Hezkuntza Saileko erabaki autoritarioen ondorioz maiatzaren 25etik aurrera ikasleak ikastetxeetara itzuliko dira. Honen aurrean, aipatutako programa politikoan berretsi eta Bigarren Hezkuntzan eta Lanbide Heziketan hilaren 25etik aurrera greba mugagabea deitzen dugu. Honako hau adierazten dugu:
Klase presentzialen itzulera bertan behera uztea exijitzeko greba egingo dugu. Horren ordez, ikasturte akademikoa amaitutzat ematea eta hirugarren ebaluazioko irakasgaien gaindipen automatikoa. Alabaina, Selektibitatea prestatzeko borondatezko klaseak zein Lanbide Heziketetan errefortzuko klase presentzialak positibki baloratzen ditugu, betiere segurtasun neurri aproposak aplikatzen badira eta asistentzia derrigorrezkoa ez bada.
Hezkuntza komunitateko kide orok baldintza onargarriak eduki arte greba deialdia luzatuko dugu, eta baldintzak aldatu ezean, hurrengo ikasturtean greba deialdia hezkuntzako gainontzeko esparruetara zabaltzeko aukera mahai-gaineratzen dugu.