Etapa berria

Erabiltzailearen aurpegia



Azkenengo urteetan ohitura izan den bezala, Australiarako bidean egongo nintzateke garai hauetan. Denboraldiko lehenengo lasterketara. Ilusio berriekin eta ondo hasteko gogoekin.


Dena aldatzen da orain. Nire ametsak, helburuak, ilusioak eta ogibidea, kirol bati lotuta egon dira beti, baina hemendik aurrera, guzti horrek beste lehentasun bat hartuko du.


Aldaketa nabarmena izango da niretzako. Orain, txirrindularitzarekin zerikusia duen edozein gauza, denbora librea pasatzeko era bat baino ez da izango. Hori pentsatzen dudanean oroitzapen asko datozkit burura.


Hainbeste kilometro errepideetan… Txirrindulari nintzenean 30.000km inguru urtero bizikleta gainean. Eta azkenengo bi urteetan kotxea gidatzen, are gehiago. Australian, Kanadan, Txinan, Polonian eta Europako inguru askotatik ibili naiz kilometroak eginez. Baina ez hori bakarrik, kilometroez gain, jende asko ezagutu dut, lagun berriak egin ditut, eta hainbat eta hainbat gauza ikusi eta ikasi. Bat-batean amaitu da dena. Baina, ez dut pena sentsaziorik nahiz eta ziurrenik, bizipen horretako eguneroko momentu batzuk faltan botako ditudala argi izan.


Garai berri bat hasteko ilusio handia ere badaukat. Txirrindularitzak orain arte egiten utzi ez dizkidan gauzak egiteko gogoa dut. Astebururo familiaz gozatzea edo alaba egunero nola hazten den ikustea adibidez. Etapa berria daukat aurretik.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide