Gazteekin lehian

Erabiltzailearen aurpegia

Aurten, Amurrioko jaietan ospatutako 23 urte azpiko eta nagusientzako txirrindularitza lasterketan parte hartu dut. Nire partaidetzarekin ados ez zegoen baten baten kritika jaso nuen. Horiek ez omen dute gustuko jende nagusiaren eta profesional ohien partaidetza karrera hauetan. Beraien ustez, gazteen proiekzioa mozten dugu.

Argi utzi behar dut, nire gogoa ez zela irabaztea. Nahita ere, ezin izango nuke gaur egun dudan sasoiarekin. Ondo pasatu, txapelketaren grina ase, nire maila eta gazteena neurtu nahi nuen, besterik ez.

Esan behar dut ez nagoela batere ados jasotako kritika horiekin ez eta Euskal Federakuntzaren iritziarekin ere. Gauza bat da profesional ohi batek lasterketan parte hartzea, eta beste bat, topera irabazten saiatzea.

Gaur egun, Federakuntzak ez dio, 28 urte baino gehiagoko kirolariari, Euskal Herriko lasterketetan parte hartzen uzten (Euskadi, Araba, Gipuzkoa eta Bizkaiko txapelketetan izan ezik). Baina, ze min egiten dio kirolari horrek gazteago bati? Gaztetan, maila horietan nenbilenean nagusien kontra aritzen nintzen eta argi daukat, horrek, asko lagundu zidala. Eredutzat nituen eta, gehiago eta gogorrago entrenatzera behartzen ninduten.

Orain, lasterketari, konpetentzia hori kendu diote eta horrek, gazteen maila orokorrean eragina duela esatera ausartuko nintzateke.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide