Urtero bezala aurten ere Urduñako Berbalagunek Agate Deuna bezpera ospatu nahi dute, horretarako deialdi zabala luzatzen dute hiritar guztiak parte hartzeko.
Otsailaren 3an, ostirala, arratsaldeko 7etan Foru Plazan geratuko dira bakoitzak bere makilarekin Agate Deuna Abestia kalez kale kantatzeko asmoz.
2007. urtean Berbalagun egitasmoa Urduñan hasi zenetik, taldekideek baliatu nahi izan dute ospakizun berezi hau euskal giroa sortzeko hiriko bazter guztietan. Urduñan ospakizun hau oso errotuta egon arren, normaleani hiriko gazteak izan dira abestu dutenak. Ekitaldi honen helburua gazteak, familiak eta helduak ere, egun horretan plazan bertaratzea da.
Dirudienez eguraldia oso hotza izango denez, kantaldia bukatu eta gero txokolatea prestatuko dute Berbalagun taldekieek eskuak berotzeko.
Informazio gehiago: www.aiaraldea.blogspot.com
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
