Uztailaren 7az geroztik, ehunka enpresek (patronaletako agintarien aholkuei jarraiki) aurrerantzean lan baldintzen inguruko erabaki guztiak enpresaburuen esku gelditzen direla komunikatu diete idatziz beraien langileei. Hau da, aurrerantzean Estatuko lan-hitzarmenetan jasotako miseriazko lan-baldintzak inposatzeko aukera dagoela jakinarazi diete. Eta are gehiago, Langileen Estatutuaren Legeak jasotzen dituen lan baldintza minimoak inposatzeko aukera ere nabarmendu dute hainbat enpresek, betiere beharginei zuzendutako eskutitz “informatiboetan”. Egoera gogorra da. Eta ez du hobera egingo. Ez behintzat langileok gauzak aldatzeko borrokan murgildu artean. Beraz, egoerari buelta emate aldera, behar-beharrezkoa dugu enpresetan ondo antolatzea eta eduki duinak bermatuko dituzten enpresa-hitzarmenen alde borrokatzea (Lan Erreformaren aurkako klausulak barne: ultra-aktibitate mugagabea jaso, lanaldi erregularra bermatu, inposatutako arbitrajea baztertu...). Derrigorrezko ezarpena izango duten enpresako hitzarmenen alde borrokatu behar dugu. Ez dugu gomendio hutsa den lan-hitzarmenik nahi.
Urriak 21-25eko mobilizazio, kontzientziazio eta greba asteak bide horretan sakontzeko balio behar du. Espainiar zein euskal patronaletako goi-kargu zikoitzen estrategia zapuztu beharra baitago.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide