Orain dela 6 hilabete salatu genuen Laudioko Carrefour Express saltegi berriak igande eta jai-egunetan irekitzen zuela eta horrek ondorio ezin txarragoak zituela, lan-ikuspegitik ez ezik, gizarte-ikuspegitik ere bai.
Eraso berri honen aurrean ELAren erantzuna: Aliantzak, informazioa eta mobilizazioa. Gainerako sindikatuekin batera dendari txikien arduradunekin bilerak egin ditugu, Carrefour Express saltegiaren arduradunarekin bilerak egin ditugu, mobilizazioak, herria kartelez josi genuen eta Jai egunetan denok jai Euskal Herri mailako kanpaina landuz sinadura bilketa bat egin genuen. Igande eta Jai egunetan irekitzearen kontrako 600 sinadura inguru jaso genituen.
Eta LORTU DUGU!! Laudioko Carrefour Express saltegi berriak igande eta jai-egunetan ez irekitzea erabaki du eta horrela jakinarazi digu, dendako kanpoko hormetan ere kartelak ipini ditu.
Horregatik Aiaraldeako eta bereziki Laudioko herritar guztioi eskerrik asko eta zorionak!!
Horra hor subiranotasun ekonomikoaren adibide praktiko bat, indarrak batuz lortu duguna. Gure herria ez dago merkealdi amaigabean.
Erosketa solidarioa defendatzen dezagun. Jai – egunetan denok jai!!