Kultur sorkuntza Aiaraldean

Blue Mask

Erabiltzailearen aurpegia

Zigarretari zupaka nabil egongelako leiho
parean jesarririk. Etxe azpiko hirian dena da iluna,
poztasun oro estaltzen duen iluna, eta euriak blaitzen ditu 
joan-etorrian dabiltzan arima gaixoak.
Isilik eta presaka doaz,
zakur amorratu bat jarraika balute bezala. 

Bat-batean, isiltasun oro apurtuz,
aske izan nahi duela erregutu dio andre eskaleak 
ibai alboan pasieran dabilen gizon urdinari.
“Hik nahi izan dun, maitea” erantzun dio gizonak, 
korbata estutuz, zilar halako malkoak masailetan behera.
Ezin izan dut asmatu nondik atera duen pistola; 
amerikanaren barneko poltsikotik ala maleta txikiko 
zirrikitu ezkuturen batetik.
Berandu dena den, ekidin ezina ekiditeko.

Lipar batez, langilez eta ikasle gazteez betetako
kale jendetsua izoztuta geratu da, eta danbatekoa entzun duten apurrek 
zin dagite ez dela odol tanta bat bera ere isuri eskalearen kopetan
agertu den bederatzi milimetroko zulo sakonetik.
Malkoek ilundu dituzte musukoen kolore urdin argiak,
apaldu dira hotzak izoztutako arnas zurbilak.

Nik begiak itxi ditut eta erreflexuz joan zaizkit eskuak belarriak estaltzera: 
Samina uluka joan dadin espaloiko euri putzuetan itotzera.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide