_tokikom_300x300.JPG){kind=small}
90. hamarkadaren eszena alternatiboko ezinbesteko izena da ECDS, zale askoren erreferentzia garrantzitsua eta zalantza barik, punk-ak eman duen talderik onenetakoa.
Liluratzeko moduko musika egiteaz gainera, azpimarratzekoa da taldearen jarrera, konpromiso politikoari lotutako sormen proposamena eskainiz. Honetaz eta taldearen ibilbideaz, luze hitz egiten du Fer Apoa taldearen abeslariak, hilaren 6an argitaratutako Gara egunkariaren euskara hutsezko Gaur8 gehigarriko elkarrizketa-erreportajea interesgarrian (Apoaren Bihotza, taupaka).
Fer Apoaren jarduna ezaguna da beste aldetik gurean; egun euskal herritarra izateaz aparte, euskal eszenaren talde esanguratsuetan parte hartu izan baitu: Kuraia, Matxura, Estricallan... Aipatu erreportajean, besteak beste, taldearen behin behineko itzuleraren nondik norakoak ematen dira, Hatortxu rock-en barruan Lakuntzan emango duten kontzertuarekin batera, beste hiru emanaldi aurreikusita zituztela esaterako: Zarautzeko Putzuzulo Gaztetxean (pasa den larunbatean) eta Zaragozan beste bi.
Hiri horretan, maiatzaren 13an joko dute eta iragarri gabeko kontzertua emana dute dagoneko. Azken emankizun hau oso berezia izan omen zen, 17 urteren ondoren aurrenekoa izan zelako baina batez ere, ospatu zen zen lekuagatik, Kike Mur CSA zentro sozialean hain zuzen. Izan ere, gune autogestionatu hau Zaragozako Torreros espetxe zaharrean dago, eta bertan hil zen preso intsumisoaren izena darama. Irudi hauek ikusiz, normala da hunkitzea eta oilo ipurdia jartzea. Apoaren bihotz handia!