Agur esan baino arinago...

Joxe Blanco 2018ko apirilaren 9a

Izan ere, landare belarkara batzuen zenbait lorek aste batzuk daramatzate beren ederrak erakusten.

Heltzear den aurreneko lore eztanda eta orain arte biluzik egon diren zuhaitz eta zuhaixkak hostoz jaztearekin batera, behin lanak eginda, hurrengo urteko negu amaiera arte utziko gaituzte.

Horrexegatik, azken aukera izan daiteke aurrez aurre so egiteko, ea baten bat gogoan mantentzea lortzen dugun.

Udaberriaren iragarle diren espezien agurra eta neguaren amaiera onartu nahi ez duen elurra nahasten dira beraz, udazkena arte “geratzeko” etorri ziren loreekin , loraldi orokorraren hasiera direnekin eta jakina, aurreneko zuhaitz kimu berde biziekin.

Eta akaso orkidea goiztiarren bat agertuko zaigu opari!

Ingurumena Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide