Larunbatean, hilak 14, Pezukeraren jaitsierarekin batera txupinazoa botako da 13:30etan Zuhatzako jaiei hasiera emanez.
Ondoren bazkari herrikoia prestatuko dute eta izena emateko uztailaren 13a baino egin beharko da honako telefono zenbakira deituta 945 399 421. Bazkalostean bingo txapelketa izango da 17:30etarako, eta ordu berean Soinutek Eventos taldearen eskutik umeentzako hainbat ekintza eskainiko dira.
Arratsaldeko 19:30etan patata-tortilla txapelketa abiatuko da eta ordu erdi beranduago Aiara Dantza Taldearen emanaldia.. Gaueko ekitaldiekin hasteko Soinutek Eventos taldeak erromeria egingo du, eta ordu berean txartela bertan eskuratuta odolosteak afaltzeko aukera egongo da.
22:30etan The Skalones taldearen kontzertuaz gozatuko dute bertaratutakoek eta 00:00etan Disko Festaren txanda iritsiko da, tartean atsedenaldia egingo dute eta nagusientzako joko bereziak egingo dira.
Igandean, hilak 15, arratsaldeko 16:00etan hasita Mus Txapelketan parte hartzeko aukera egongo da eta sari benetan interesgarriak banatuko dira irabazleen artean.