Kerman Allende Bañuelos
2016-06-11 00:00
Emakumearen Nazioarteko Eguna bazkari, dantza eta antzerkiarekin ospatuko dute
2016-03-02 19:04
Jendartea
Martxoaren 6an, igandean, goizeko 11:30etatik 13:30etara bitartean Ametsuts emakumeen elkartearen eskutik eskuz egindako artisau-lanen erakusketa zabalik egongo da. Erakusketa martxoaren 5ean aurkeztuko du Juan Antonio Alañak udaletxean 12:00etan.
Horrez gainera, igande horretan bertan Emakumearen Eguna ospatzeko bazkaria antolatu du Okondoko Udalak; izena ematea Okondoko Udaletxean egin behar da eta 15€ ordaindu behar dira (Okondoko Udalera deitu behar da: 945 89 80 23 eta bazkariko dirua banketxean edota Udalean bertan ordaindu ahal da).
San Sebastian Egunak ohitura bitxiak ospatzeko aukera emango du
2016-01-19 08:52
Kultura
Urtarrilaren 20an, bihar, eta urtarrilaren 23an, larunbatean, Okondoko San Sebastianen izenean eraikitako baselizan izango da jaia, Otaola auzoan alegia.
San Sebastian Eguna
Urtarrilaren 20a iristen denean okondoar guztiek, eta inguruko herrietako pertsonek ere, Otaola auzoan dagoen San Sebastian baselizara igotzeko ohiturari tinko eusten diote. San Sebastian egun handia ospatzeko usadioa inoiz baino biziago dago herrian.
Okondoko Udalak ere Whataspp sistema erabiliko du informazioa zabaltzeko
2015-12-02 09:20
Jendartea
Okondoko Udalaren informazioa jaso nahi duen ororentzat, abenduaren 14tik aurrera, Okondoko Udalak Whatsapp bidezko informazio-sistema berria abiatuko du.
Unean-unean Okondoko kultur eta kirol jarduera, beste ekitaldi, edota bestelako informazio interesgarria jasotzeko aukera zabalduko du hileon Udalak.
Hurrengo astean abiatuko dituzte Mendiari eta Naturari buruzko IV. Jardunaldiak Okondon
2015-12-10 07:41
Ingurumena
Gabonak ate joka daudenean, Ganekogorta Mendi Taldekoek datozen egunetan mendiko botak janzteko hainbat aitzakia dakartzate Okondora. Laugarren urtez, Mendiari eta Naturari buruzko Jardunaldiak antolatu dituzte; aurten data aurreratu egin dute.
Gurasoei zuzendutako Mindfulness tailerra abiatuko dute bihar
2015-11-12 07:45
Kultura
Okondoko gurasoei zuzendutako Mindfulness tailerra antolatu du Okondoko Udaleko Berdintasun Sailak.
Tailerrean Mindfulness metodoa zertan datzan azalduko dute, horretarako, garunaren funtzionamendua eta emozioen sistemak hartuko dituzte hizpide.
Mindfulness
Baina, zer da Mindfulness? Horretaz ere mintzatuko dira eta modu berean azalduko dute nola ikasi norberak bere burua lasaitzen.
Horrez gain, norberaren emozio eta pentsamenduekiko harreman baikorragoak izaten ikasteko urratsak ere emango dituzte parte-hartzaileek.
Haurrei zuzendutako sukaldaritza tailerrak balio positiboak landuko ditu
2015-11-09 10:46
Kultura
Okondon 5 eta 12 urte bitarteko gazteek Sukaldaritza Tailerraren edizio berri baten parte hartzeko aukera izango dute.
Horretarako, azaroaren 17an baino lehen eman beharko dute izena Okondoko udalean. Lehentasuna erroldatuentzat da, eta inskripzioaren arabera izango da; iazko tailerrean plazarik gabe geratu ziren 6 umeek erabateko lehentasuna izango dute.
Parte hartzeko, epe barruan izena eman beharko dute, aurretik. Sukaldaritza tailerra, azaroaren 20, 21 eta 22 bitartean emango da Okondoko Kultur Etxean.
Ganekogorta Mendi Klubak “Okondo Ibarra” ibilaldiaren IV. edizioa antolatu du
2015-11-05 08:54
Ingurumena
Aurtengo mendi ibilaldiko data zehaztu dute Ganekogorta Mendi Klubeko kideek; azaroaren 22an egingo da eta Okondoko Udal Igerilekuetatik abiatuko dira parte-hartzaileak.
Horretarako, Ibilaldi Neurtua egin nahi dutenek Ganekogorta Mendi Klubera jo beharko dute izena ematera; azaroaren 2an hasi zen epea eta 20an bukatuko da. Ostegunetan arratsaldeko 19:30etatik gaueko 21:00ak arte izena eman daiteke. Informazio gehiago jaso dute Ganekogorta Mendi Klubeko web-atarian.
Okondo Begira Elkarteak Neguko umeentzako egitaraua prestatu du
2015-11-04 10:30
Kultura
Aurten ere, Okondoko umeek larunbat arratsaldetarako hainbat ekintzetan parte hartzeko aukera izango dute.
Haurrek ikasturte berrirako lehen hitzordua asteburu honetan bertan izango dute Okondo Begira elkartearen eskutik. Lehendabiziko ekintza azaroaren 7an izango da, larunbatean bertan. Zehazki, elkarteak sorpresa duen argazki makina bat egiteko plana proposatuko die Okondoko umeei.
Arratsaldeko 17:30etatik 19:30ak arte hainbat tailerretan parte hartzeko aukera izango dute haurrek. Kultur Etxeko 2. solairuko areto handian gauzatuko dituzte ekintzak.
Paula Kasaresek euskaraz ez dakiten gurasoentzako solasaldia emango du
2015-11-01 16:49
Kultura
“Euskara zure etxean sartu den hizkuntza” izenburuko hitzaldia emango du Paula Kasares sozio-linguistak. Okondoko guraso ez euskaldunei zuzendu dute. Euskara, etxean sartu den hizkuntza izaki, seme-alaba eta gurasoen arteko euskararen erabilera modu errazean praktikatzeko gako garrantzitsuak ekarriko ditu Okondora.
Hitzordua, azaroaren 3an, asteartean, izango da Okondo Eskolan arratsaldeko 17:00etan. Euskaraz ez dakiten gurasoei gaztelaniaz mintzatuko zaie Paula Kasares sozio-linguista eta Nafarroako Unibertsitate Publikoko irakasleak.
Kaitin Allende Zaldunbide
Grafologia, informazio onirikoaren interpretazioa, makrobiotika eta antzeko sineskeriak landu dira azkenaldian Aiaraldean. Ematen duenez fede berriak katolizismoak utzitako lekua hartzen...
»» Gurasoentzako Grafologia tailerra