Udaberriarekin batera dator aurten Okondon ospatuko den XV. Baserri Azoka. Igandea, hilak 25, egun handia izango da. Horretarako, Okondoko Udalak eta laguntzaile diren elkarte eta lagunek adin guztietarako jarduerez beteriko eguna prestatzen ari dira.
Egun osoan zehar umeentzako gaztelu puzgarriak baita txikienentzako tailerrak ere egongo dira eta opari bat zozketatuko da baserritarrez jantzita gerturatzen diren lagunen artean.
Udaberriarekin batera dator aurten Okondon ospatuko den XV. Baserri Azoka. Igandean, hilak 25, egun handia izango da. Horretarako, Okondoko Udalak eta laguntzaile diren elkarte eta lagunek adin guztietarako jarduerez beteriko eguna prestatzen ari dira.
Egun osoan zehar umeentzako gaztelu puzgarriak baita txikienentzako tailerrak ere egongo dira eta opari bat zozketatuko da baserritarrez jantzita gerturatzen diren lagunen artean.
Goiz osoan zehar, baserriko produktuen eta argazkien erakusketak egongo dira. Goizeko 11:00etan Okondoko Astobiza txakolina eta Araba Esneari buruzko informazio hitzaldiak ere emango dira. Jai giroan egoteko, hamabietatik aurrera Salinas fanfarrea, eta 13:30tan trikitixa eta Itzalde Abesbatzaren kontzertua. Aurten ere, kalejira egingo da eta horretaz Okondo Dantza Taldea arduratuko da eguerdiko 12:30tan. Gaztainak eta Lumagorri oilaskoaren pintxo gozoak dastatzeko aukera ere egongo da. Bukatzeko, 14:30tan txahalaren zozketa egingo da.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
