Barkatu ez banaiz jaikitzen

Erabiltzailearen aurpegia

Koadro bat miretsi nahi badut eta museoan nire aurrean inor badago, pertsona horrek alde egin arte itxaroten dut, irudia bere osotasunean ikusi ahal izateko. Eskultura baten kasuan angelu guztiak miatzen ditut, zirrikituetatik begiratu, textura ikusi…

Sortze prozesuan bezala, artelan bat ikustea berarekin elkarrekintzan sartzea da eta horrek nigan sortzen duen esperientzia da niretzat balioa duena.

Objektua baino, nigan eragiten duen erreakzio subjektiboa. Kontaktu horretan sortzailearekin harreman bat dago, eta ni hor nabil, mezu ezkutuaren bila.

Gauza bera gertatzen zait eleberri bat irakurtzean. Liburua gustatu bazait eta epilogo bat badago, ez zait bururatzen hori ez irakurtzea; hori ere artelanaren parte da.

Antza, zineman ez da kode bera errespetatzen. Areto gehienetan, film bat amaierako letrak hasi bezain pronto amaitzen da. Eta zer gertatzen da, geroz eta ohikoagoa den bezala, kredituen ostean beste eszena batzuk badaude?

Beste kasu batzuetan, nahiz eta eszena gehigarririk ez egon, amaierako musika eta letrak artelanaren tempoaren parte inportantea dira. Adibidez, Loreak edo Truman pelikuletan azken gertakizunen inpaktua asimilatzeko balio dute.

Horregatik, filma amaitu baino lehen argiak piztu egiten badira, barkatu ez banaiz jaikitzen.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide