Urduñako Gure Ahaleginak upategiak txakolina mota berria aterako du datorren hilabetean, uztailean. Hori dela eta, botila berrirako etiketa lehiaketa baten bidez atera nahi dute. Ardo berri horretarako Hondarribi Beltza baino ez dute erabili eta Filoxera izena jarriko diote ardo berriari. Filoxera edo mahats-zorria intsektuak kalte handiak egin zizkien behin baino gehiagotan mahastiei XIX. mendearen amaieran eta XX. mendearen hasieran. Lehiaketa horretarako irudiak , 20 x 20 neurrikoak , ekainaren 30a baino arinago igorri behar dira Urduñako Ibazurra auzoko Gure Ahaleginak upategira.
Lehiaketa horretatik garaile irtengo denak Urduñako Aduana Bainuetxean asteburua igarotzeko saria izango du. Urduñako upategiko Arkaitz Larrazabal Durana enologoak izan du ardo berria sortzeko ardura eta kopuru mugatua ekoiztuko da, 1000 botila baino ez dira banatuko. Ardo mota hau ateratzeko, uztak oso ona izan behar du eta horrexegatik ezin da urtero bermatu txakolin mota hau.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
