Maiatzean, Laudio Udaleko gazteria sailak dieta osasuntsuaren garrantzia gazteen artean zabaltzeko asmoz ikastaroa antolatu du. Tailer honetan prestakuntza teorikotik abiatuko badira ere, ikasitakoa egunerokoan zelan txertatu landuko da. Ikastaroa nutrizioan aditua den Maria Eliasek emango du eta ondorengo gaiak landuko dira: elikadura osasuntsua, nutrizio-piramidea, dieta miragarriak, gezurrezko publizitatea, nutrizio-behar bereziak, sukaldaritza praktikoa eta zalantzak.
Maiatzean, Laudio Udaleko gazteria sailak dieta osasuntsuaren garrantzia gazteen artean zabaltzeko asmoz ikastaroa antolatu du. Tailer honetan prestakuntza teorikotik abiatuko badira ere, ikasitakoa egunerokoan zelan txertatu landuko da. Ikastaroa nutrizioan aditua den Maria Eliasek emango du eta ondorengo gaiak landuko dira: elikadura osasuntsua, nutrizio-piramidea, dieta miragarriak, gezurrezko publizitatea, nutrizio-behar bereziak, sukaldaritza praktikoa eta zalantzak. Ikastaroa 18 eta 35 urte bitarteko gazteei zuzenduta dago eta 2 orduko 4 saiotan egingo da.
Prestakuntza praktikoan banakako eta familia osorako menuak landuko dira eta horren bitartez, nutrizioa etxeko guztion ardura izatea lortu nahi dute. Ikastaroa maiatzaren 4an, 11n eta 18an Laudioko kultur etxean arratsaldeko 18:30etik 20:30era emango da eta Euskal Gastronomia Museoan maiatzaren 24an arratsaldeko 19:00etatik 21:00etara. Izena emateko Gazte Informazio Gunean astelehen, asteazken eta ostiraletan edo posta elektronikoaren bidez norberaren datuak infogazte@laudiokoudala.net helbidera bidalita. Plaza mugatuak izango dira eta izena ematea eginez gero bertaratzea derrigorrezkoa izango da. Maria Elias nutrizionistak zuzenduko duen ikastaroan izena ematea debalde izango da.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
